پنجگور: زورگریں پاکستانی لشکر ءِ دست ءَ زور بیگواہ کنگ بوتگیں دوئیں برات سابر نور ءُ آبد نور ءِ کھول ءِ نیمگ ءَ زھرشانی روانکے کشگ بوتگ۔
روانک ءَ جنین ءُ زھگاں ھوار مردماں بازیں کچے ءَ بھر زرتگ۔ زھرشانی کنوکیں مردماں زور بیگواھیں مردمانی اکس گوں بوتگ اَنت ءُ آیاں زوریں بیگواھی ءِ بگیری ءَ اوگام جتگ۔
کھول ءِ گوشگ اِنت کہ ھژدہ روچ سرجم بوتگ سابر نور ءُ آبد نور بے میار ءَ ریاستی آزارجاھاں آزاراں اوپار کنگ ءَ اَنت۔
کھول ءَ گوشتگ کہ 31 ستمبر ءِ سھب ءَ پاکستانی لشکر ءَ پنجگور ءِ ھند تار آپس ءَ بیڑ برتگ ءُ دوئیں برات سابر نور ءُ آبد نور آوار جنگ ءَ پد بیگواہ کرتگ اَنت، انگت ءَ آیانی ھچ وڑیں ھال نیست۔
یات بہ بہ اِت کہ زور بیگواھیں آبد نور ءُ سابر نور ءِ کھول ءِ نیمگ ءَ زھرشانی روانک ءَ ابید دمگدار ءِ کارگس ءِ دیم ءَ زھرشانی نندانک ھم برجاہ اِنت۔
کھول ءِ گوشگ اِنت اگاں مئے آزیز یل کنگ مہ بنت گڑا ما وتی زھرشانی ءَ گیش ترند کن ایں۔
