کیچ: کولواہ چہ زورگریں پاکستانی لشکر ءِ تیرگواری ءَ زھگے ٹپی بوتگ۔
اھوالکار ءِ رد ءَ ٹپی بوتگیں مردم ءِ نام روشن ء پکیر اِنت کہ کولواہ ءِ ھند مراستان شاہ ءُ باتل ءِ جاہ منند اِنت۔مروچی نیمروچ ءَ شاہ ءُ باتل ءَ سلاہ بندیں مردماں پاکستانی لشکر ءِ سر ءَ اُرش کرتگ، اُرش پد ءَ پاکستانی لشکر ءَ لس آبادیانی سر ءَ تیرگواری کرتگ روشن ٹپی بوتگ۔
یات بہ بہ اِت ھمے سال ءَ کولواہ ءَ چہ پاکستانی لشکر ءِ تیرگواری ءَ جنکے ءَ ھوار دو مردم شھید ءُ یک زھگے ٹپی بوتگ۔ اگست ءِ ماہ ءَ کولواہ ءِ مالار ءَ پاکستانی لشکر ءِ تیرگواری ءَ ماسٹر ابدالھک شھید بوتگ اَت۔ چہ آئی دو روچ پیش کولواہ ءِ میتگ ڈنڈار ءَ پاکستانی لشکر ءِ تیرگواری ءَ پنچ سالی جنکے ستارا ء شبیر شھید بوتگ اَت۔
چہ پاکستانی لشکر ءَ ابید 7 جولائی ءَ کولواہ ءِ بدولک ءَ پاکستانی لشکر ءِ جوڑ کرتگیں کشندہ ٹولی ءِ کارمندانی تیرگواری ءَ شبیر ء کریم بکش نامیں شپانکے ٹپی بوتگ اَت۔ شبیر کولواہ ءِ میتف جت ءِ جاہ منند اِنت۔
