بلوچ راجی زْرمبشت (بی این ایم) ءِ مردمی ھکانی تْرامگیج (ادارہ) پانک ءَ ماں چاگردی رسانکدر ءِ تندجاہ ایکس ءَ وتی یک درشانے ءَ نوہ بیگواہ کنگ بیتگیں نودربرانی بیگواھی ءِ باروا گْوشتگ کہ اے بیگواھیانی پہ دلجمی پٹ ءُ پول کنگ بہ بیت ءُ زمہ واریں تْرامگیج جُست گِرگ بہ بنت۔
آئی ءَ گْوشتگ کہ پانک پاکستانی سرکار ءَ زور دنت کہ آ زور بیگواھی ءِ ربیت ءَ ھلاس بہ کنت ءُ زور بیگواھیں دُرسیں مردمانی پھریزگ ءَ میان استمان ءِ راھبند ءِ پابندی ءَ بہ کنت۔
آئی ءَ گْوشتگ کہ پاکستان ءَ نودربر،کارکن ءُ کمتریں پدریچانی ھکانی پھریزگ کنگی اِنت ءُ تیوک ءَ بلوچستان ءِ پیمیں دمگے کہ جیڑھانی آماچ اِنت کہ اود ءَ لشکر مردمی ھکانی بگیری ءِ گْوستانکے دار ایت۔
آئی ءَ گْوشتگ کہ دیر اِنت زور بیگواھی پاکستان ءُ تیوک ءَ بلوچستان ءَ زوراکی ءِ ابزارے ءِ دْروشُم ءَ کارمرد کنگ بیگ ءَ اِنت، اود ءَ سیاسی بگیری ءِ دیم گوں رستری ءَ دارگ بیگ ءَ انت۔ اے نودربرانی بےگواھی ھما برجاھیں جنجالیں بھر یک سیاھیں درے کہ دُرسیں میان استمان ءِ دلگوش ءُ دزمانجنی ءِ لوٹ ءَ کنت۔
پانک چہ میان استمان، مردمی ھکانی گل ءُ دری سرکاراں ھمے لوٹ ءَ کنت کہ آ بیگواھیں نودربرانی پد جنگ ءَ پاکستان ءَ زور بہ دنت ءُ اے ناگیگی ءِ بگیریانی ھوار بیگ ءَ ریاست ءِ مردمانی وتسری کنگ ءِ دوداں ھلاس بہ کنت۔
آئی ءَ گْوشتگ کہ پانک اے گپ ءَ گْوش ایت کہ ابید دگہ کار زوالی یے ءَ بے میار ءَ زور بیگواہ کنگ بیتگیں مردمانی بیگواہ کنگ نہ تیوک ءَ میان استمانی کانود ءِ بنیاد ءَ در کانودی یے بککیں یک تچکیں زوراکی یے کہ گِر ءُ دار کنگ بیت۔