بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 12 اکتوبر شمبے ءِ روچ ءَ گل ءِ انٹیلیجنس ءِ سھی کنگ ءَ کاروائی کرتگ ءُ آواران ءِ ھند گیشکور مھراب بازار ءَ زورگریں پاکستانی ملیٹری انٹیلییجنس ءِ پرکاریں کارمند ءُ لیویز ءِ سپاھی نوربکش ء ابدالھک جاہ منند زیک گیشکور تیرگواری کرتگ ءُ کشتگ۔ سرمچاراں آئی سلاھاں ھوار پرپٹ ھم دستیگ کرتگ۔
جارکش ءَ گوشتگ کہ راجی میاربار چہ سالاں گیشکور بازار ءُ کِر ءُ کشانی آبادیانی پہ اھوتی ھال دیگ ءَ مردماں لاچار کنگ ءَ بوتگ۔ ھمے مردم ءَ نجمہ ء دلسرد ( آ یک وانگجاہ ءِ ٹیچرے اَت) پہ پاکستانی لشکر ءَ کار کنگ ءِ گوشتگ اَت، بلے نجمہ اے ناشریں میارباریں کار ءَ نہ کرتگ۔ ھمیشی پژدر ءَ آ زور دیگ بوتگ اَت ایشی آسر ءَ آ 15 مئی 2023 ءَ پہ وتکشی کنگ ءَ لاچار بوتگ۔
آئی ءَ گوشتگ کہ نجمہ ءِ کھول ءَ زورگریں پاکستان ءِ بے سریں راھبند ءُ کانود ءِ پارست ءَ میاربار نوربکش ءُ آئی ھمبل دزگیر کناھینتگ اَنت۔ لھتے ماہ ءَ پد چیریں ادارھانی نیمگ ءَ یل کناھینگ بوتگ اَنت۔ چہ ایشی پد آ دوبر مردمانی لٹ ءُ پل ءُ بلوچ سرمچار ءُ آئی کھول ءِ جنجال کنگ ءَ ھوار چاگردی سلکاری ءَ بوتگ اَنت۔
جارکش ءَ گوشتگ کہ بی ایل ایپ وتی راج ءَ دلجمی دنت کہ ما وتی زھگانی کشندھاں ھچ وڑ ءَ نہ بکش ایں۔ ما اے گپ ءَ ھم تچک کنگ لوٹ ایں کہ ھما مردم بلوچی ربیتاں لگتمال کنت بلوچ راجی زرمبشت ءِ بگیری ءَ دژمن ءِ ھمے میارباری ءِ بھر بیت، ایشی جست زوت یا دیر ءَ الم گرگ بیت۔
آئی گوشتگ کہ ما بلوچ مرد ءُ جنینانی گون ءَ لوٹ کن ایں کہ آ ھمک وھد ءَ نوربکش ءِ وڑیں راجی میارباراں پیش بدار اَنت ءُ پہ آیانی بلیک میل کنگ ءَ ھچ وڑ ءَ رد مہ کپ اَنت۔ چوش مہ بیت تئی بے تواری نجمہ ءِ وڑیں دگہ یک باسمائیں بلوچ جنکے ءِ بہ کوشارین ایت۔ اے یک مردمے ءِ جَنگ نہ اِنت، بلوچ راج ءِ باندات، پدریچ ءُ پجار ءِ جنگ اِنت۔ ایشی سرجم ءَ پہ سوبین کنگ ءَ ھمک بھرگ ءِ ھرپیمیں ھمگرنچی درکار اِنت۔ پمیشکا بلوچ راج ءِ ھمک بھرگ ءَ لوٹ ایت کہ ھر وڑ ءَ راجی زرمبشت ءَ وتی کرد ءَ پیلو بہ کنت۔ اے جنگ ءَ سوب مئیگ اِنت۔
میجر گھرام ءَ راجی میاربار ءِ کوش ءِ زمہ واری منّ اتگ ءُ گوشتگ کہ داں بلوچ سرڈگار ءِ آجوئی ءَ زورگریں لشکر ءُ آئی ھمکاراں نشانگ کن ایں۔
بنشون: درشان / اکس: زرمبش
