بلوچ یکجھتی کمیٹی ءِ سروک ڈاکٹر ماہ رنگ ءَ کراچی پولیس ءِ ایپ آئی آر ءِ بابت ءَ ماں چاگردی رسانکدر ایکس ءَ نبشتگ کہ کراچی ءَ منی بگیری ءَ یک نوکیں پولیس کیسے پدر کنگ بوتگ کہ کجام وڑ ءَ ریاست ءِ چہ منی ایمنیں سرگرمیاں بے چاڑی گیش بوتگ۔ تیوک ءَ چہ ٹائم میگزین ءِ پجارگ ءَ پد اے بے چاڑی گیش بوتگ۔
آئی ءَ گوشتگ کہ اے وڑ ءَ درکانودی، بے راھبند ءُ زوریں چہ ھیلھاں منی ایمنیں سرگرمی دارگ نہ بنت۔ اے گامگیج تیوک ءَ پہ منی ترسینگ ءَ یک مھکمیں تکشامے ءِ بھر اِنت، بلکیں پہ ایمنی ءِ برجاہ دارگ ءُ لشکری ادارھانی برجاھیں چہ بے سوبیاں ھیال ءِ ٹالینگ اِنت۔ پمیشکا آ وتی بے سوبیانی بھتاماں آدگرانی سر ءَ جنت۔
ڈاکٹر ماہ رنگ ءَ گوں بلوچ راج ءَ دلگوش گور کرتگ ءُ گوشتگ کہ اے ایپ آئی آر ءِ مول پہ مئے ھواریں جھد ءَ ترس ودی کنگ اِنت۔ انگت من چہ اے زوراکیں گامگیج ءَ سدکان ءُ نہ ترس آں، منی راج منی پشت ءَ چو کوہ ءِ وڑ ءَ اوشتاتگ۔ من پہ اے ارزی ءَ آمیدگس ءَ دیم پہ دیمی کن آں۔
یات بہ بہ اِت کہ ایپ آئی آر ءَ مارنگ ءِ باروا گوشگ بوتگ کہ آ وتی روانکاں ٹولیانی دروشم ءَ سلاہ بنداں شھرانی تہ ءَ آرگ ءُ پہ ارزانی ءَ گچینیں جاہ ءَ روانک کشگ ءُ ارش کناھین ایت۔
