روکپتی بلوچستان: پنچ شمبے ءِ بیگاہ ءِ اَدار پنچ ءَ شستون ءَ لبزانکی ءُ ربیدگی گل آتار ءِ ھپتگی دیوان ماں آتار ءِ دیوانجاہ ءَ بلوچ چاگرد ءِ تہ ءَ وانگ ءُ زانگ ءِ بستار ءُ اُستادانی کِرد ءِ بنگپ ءِ سر ءَ برجم دارگ بیتگ۔
دیوان ءَ لبزانکی ءُ ربیدگی گل آتار ءِ گیشتریں باسکانی ھواری ءَ چاگردی گھبودی گل ءِ مردماں ھم بھر زُرتگ ءُ بنگپ ءِ سر ءَ پہ دلجمی گپ ءُ تران کُرتگ۔
دیوان ءِ گُڈی ءَ چاگردی گِھبودی گل ءِ سروک ءُ باسکاں چہ آتار ءِ کتابجاہ ءَ تاکبند سرگْوات ءُ بلو کپوت پہ بھا زُرتگ ءُ آتار ءِ کمک کنگ ءِ جار جتگ۔
آیاں گْوشتگ کہ ماں شستون ءُ روکپتی بلوچستان ءَ آتار ءِ گل ءُ آئی ءِ باسکانی جُھد پہ بلوچی زبان ءُ لبزانک ءَ ستا کرز ایت۔
بنشون: اھوالکار/ اکس: اھوالکار
