بلوچستان آجوئ سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاران، زامران، ھیرونک ءُ ھاران ءَ سے جتائیں اُرشاں پاکستانی لشکر ءُ دژمن ءِ کمکار نشانگ کرتگ اَنت۔
آئی ءَ گوشتگ کہ ھشت اکتوبر سے شمبے ءِ بیگاہ ءِ شش ءَ کیچ ءِ ھند زامران ءَ ڈیلِکک ءَ برجاھیں پاکستانی لشکر ءِ پانگس ءِ سر ءَ گوں نوکیں، مزنیں وتکاریں سلاھاں اُرش کرتگ۔ اُرش ءَ دژمن ءِ یک کارمندے مرتگ۔
جارکش ءَ گوشتگ کہ دومی اُرش ءَ سرمچاراں نو اکتوبر ءِ شپ ءَ ھشت ءُ نیم ءِ نزیک ءَ کیچ ءِ ھند ھیرونک ءَ کوہ ءِ سر ءَ برجاھیں پاکستانی لشکر ءِ پانگس ءِ سر ءَ گوں وتکاریں سلاھاں کرتگ ءُ جانی ءُ مالی تاوان داتگ۔
آئی ءَ گوشتگ کہ دگہ یک اُرشے ءَ ھشت اکتوبر ءِ بیگاہ ءِ ھپت ءَ ھاران ءِ چیپ چاراہ ءَ سرمچاراں تیرگوای کرتگ ءُ ریاست ءِ نزیکیں کمکارے شپی مھمد یلانزھی کشتگ۔
جارکش ءَ گوشتگ کہ شپی مھمد یلانزھی ایپ سی ءُ پہ چیریں ادارھاں چاریگی کار ءَ بوتگ ءُ بلوچ لس مردمانی بگیری ءَ بازیں ریاستی لشکرکشیاں کمک کرتگ، آ زی بیگاہ ءِ ھپت ءَ ھاران بازار ءَ سرمچاراں تیرگواری کرتگ ءُ گڈی آسر ءَ سر کرتگ۔
آئی ءَ گوشتگ کہ ما درسیں ریاستی چاریگ ءُ کمکاراں کڈن کن ایں کہ آ شر بہ بنت اگاں نہ آیانی آسر ھم شپی مھمد ءِ وڑ ءَ بیت۔
میجر گھرام ءَ اُرشانی زمہ واری منّ اتگ ءُ گوشتگ کہ داں بلوچستان ءِ آجوئی ءَ لشکر ءُ آئی کمکاراں نشانگ کن ایں۔
