کراچی: پولیس ءَ بالی پٹ ءِ نزیک ءَ چینی شھریانی سر ءَ بوتگیں پدائی اُرش ءِ بھتام ءَ جنینے ءَ ھوار باز مردمانی دزگیر کنگ ءِ ٹاپار جتگ۔
پولیس ءُ آدگہ لشکری ادارھانی گوشگ اِنت کہ جنا ٹرمینل ءِ نزیک ءَ تراک ءِ باروا پٹ ءُ پول برجاہ اِنت۔ اود ءَ یک جنینے ءَ ھوار باز مردم دزگیر کنگ بوتگ اَنت۔
پٹ ءُ پولکاری بنشون ءِ گوشگ اِنت کہ جیو پینسنگ ءَ چہ شش ءَ ھشت نمبر شکی لیک اِتگ اَنت۔ شکی نمبر ءِ درساں چارگ ءَ اَنت۔ اُرشکاراں ھمد ءَ نزیک ءَ ماڑی یے ءَ کمک رستگ۔
پولکاری بنشون ءِ گوشگ اِنت کہ چینی انجینئرانی باروا ھما کہ سرپد بوتگ اَنت، آیانی پٹ ءُ پول کنگ ءِ سوڑگ کرتگ۔
یات بہ بہ اِت کہ بی ایل اے ءِ دیمونی بھرگ مجید برگیڈ ءِ پدائی اُرش ءَ سے چینی مرتگ ءُ ھمے نزیک ءَ 17 مردم ٹپی بوتگ اَنت۔
