آواران: زورگریں پاکستانی لشکر ءِ دست ءَ زور بیگواہ کنگ بوتگیں دلجان ءِ کھول ءِ نیمگ ءَ زھرشانی نندانک ءَ مرچی سے روچ اِنت کہ آواران دمگدار ءِ کارگس ءِ دیم ءَ برجاہ اِنت۔
گوں زھرشانی نندانک ءِ ھواری ءَ مرچی دو روچ بوتگ کہ آواران ءِ دکانداراں دلجان ءِ کھول ءِ گون ءَ پہ ھمدردی درشان کنگ ءَ تھتگ بند ھرتال کرتگ دکان بند بوتگ اَنت۔
اے وھد ءَ زھرشانی نندانک ءَ جنین ءُ زھگانی ھواری ءَ مردم بازیں کچے ءَ نشتگ اَنت۔ آیانی گوشگ اِنت دانکہ دلجان آجو کنگ نہ بوتگ ما وتی زھرشانی نندانک ءَ برجاہ دار ایں۔
یات بہ بہ اِت کہ اے زھرشانی نندانک چار اکتوبر ءَ دمگدار ءِ کارگس ءِ دیم ءَ برجاہ دارگ بوتگ۔ انگت ءَ چہ واکدار ءِ نیمگ ءَ پہ آیانی لوٹانی منگ ءَ ھچ وڑیں گامگیج زورگ نہ بوتگ۔
