بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں تربت ءَ برجاھیں پاکستانی لشکر ءِ بنجل ءِ سر ءَ چہ دو نیمگ ءَ اُرش کُرتگ، یک نیمگے راکٹ لانچر (آر پی جی) ءُ دومی نیمگ ءَ گرینیڈ لانچر جتگ۔راکٹ گولا بنجل ءِ تہ ءَ کپتگ اَنت کہ چہ ایشی ءَ دژمن ءَ بازیں کچے ءَ جانی ءُ مالی تاوان بیتگ۔
آئی ءَ گوشتگ کہ اے کارروائی بی ایل ایپ ءِ سرمچاراں 4 اکتوبر ءَ آدینگ ءِ روچ ءِ دو ءُ پانزہ ءَ کُرتگ۔
جارکش ءَ گوشتگ کہ گل ءِ چیرجنگی رِپکاں ھر پِڑ ءَ دژمن تاوان داتگ، پمشکا دژمن سَسّائی تُرس ءِ آماچ اِنت۔ ھمے تُرس ءِ چیرلشکری کارمند چہ سرمچارانی اُرشاں پد مردمانی سر ءَ تیرگْواری کن اَنت۔
آئی ءَ گوشتگ کہ مرچیگیں اے اُرش ءَ پد ھم دژمن ءَ باز تیرگْواری کُرتگ بلے سرمچار پہ دْراھی وتی مھکمیں ڈواراں سر بیتگ اَنت۔
میجر گھرام ءَ اُرش ءِ زمہ واری منّ اتگ ءُ گوشتگ کہ اے کاروائیاں داں ھما وھد ءَ برجاہ دارگ ءِ کول ءَ کن ایں داں لشکر سرجم ءَ چہ بلوچ سرڈگار ءَ در نہ ایت۔
