گْوادر: پسنی ءَ زورگریں پاکستانی لشکر ءِ دست ءَ زور بیگواہ کنگ بوتگیں درمھمد شپکت ءُ ابدالسلام باکی ءِ زوریں بیگواھی ءِ بگیری ءَ کھولاں پسنی زیروپوائنٹ ءَ زھرشانی ءَ مکران شھدگ بند کرتگ۔
چہ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت۔
زھرشانی کنوکیں مردمانی گوشگ اِنت کہ دوئیں مردم ھمے سال ءِ 13 اپریل ءَ پاکستانی لشکر ءَ آوار جتگ ءُ بیگواہ کرتگ اَنت کہ انگت بیگواہ اَنت۔
آیاں لوٹ کرتگ ءُ گوشتگ کہ درمھمد شپکت ءُ ابدالسلام باکی زوت یل کنگ بہ بنت اگاں نہ ما وتی زھرشانی ءَ گیش ترند کن ایں۔ رند ءَ چے کہ بوت ایشی زمہ واری بلوچستان سرکار ءِ سر ءَ بیت۔
آیاں گوں مردمی ھکانی ادارھاں لوٹ کرتگ ءُ گوشتگ کہ پہ اے جیڑہ ءِ باروا توار چست بہ کن اَنت۔
