بلوچ اسٹوڈنٹس ایکشن کمیٹی نال ھنکین ءِ نیمگ ءَ مبارک کازی ءِ اولی سالروچ ءِ درگت ءَ آئی ءِ یات ءَ مراگشے برجم دارگ بوتگ۔ اے مراگش جتائیں بھرانی تہ ءَ بوتگ، تران، شئیر ءُ شائری، ڈاکیومنٹری ءُ دو چاپی ھوار بوتگ اَنت۔
مراگش ءِ بِندات چہ راجی سوت ءَ کنگ بوتگ۔ مراگش ءِ دیمتری بھر تْران بوتگ کہ سنگتاں جتا جتائیں بُن گپانی سر ءَ تْران کرتگ۔ ترانانی تہ ءَ مبارک کازی ءِ زند ءُ آئی ءِ ازم، بلوچ راجدوستی ھوار بوتگ اَنت۔
مراگش ءَ سنگت پرھان، سنگت پرازءُ سنگت ریاز ءَ تران کرتگ۔
مراگش ءِ دیمتری بھر ءَ مبارک کازی ءِ زند ءِ سرا گَل ءِ نیمگ ءَ چہ جوڑ بوتگیں ڈاکومنٹری یے ھم پیش کنگ بوتگ۔ ایشاں ھوار مراگش ءِ دیمتری بھر شئر ءُ شائری بوتگ کہ جتائیں سنگتاں وتئی شئیر ونتگ اَنت۔
مراگش ءِ گُڈی بھر دو چاپی بوتگ، مراگش ءِ سرجمیں بھرانی گوں دلجمی ءَ سرجم بیگ ءَ پد مراگش سوبمندی ءَ گوں آسر کنگ بوتگ۔
