گوادر: زورگریں پاکستانی لشکر ءَ دشت ءِ جاہ منندیں سے ورنا آوار جتگ ءُ بیگواہ کرتگ اَنت۔
اھوالکار ءِ رد ءَ زور بیگواھیں ورنایانی نام اجاز ء ھسین، مھراج ء نوربکش ءُ ایوب ء ھمزہ اِنت۔ سے ئیں ورنا دشت ءِ جاہ منند اَنت۔ چہ آیاں ایوب ءُ اجاز وت ماں وت ناکوزتک اَنت ءُ دشت ءِ میتگ بشولی ءِ جاہ منند اَنت۔ مھراج دشت مکسر ءِ جاہ منند اِنت۔
بنشون ءِ رد ءَ اے سے ئیں ورنا پرندوشی شپ ءِ دوازدہ ءُ نیم ءَ چہ گْوادر ءِ نیوٹاؤن ءَ آوار جنگ بوتگ اَنت۔ بلے اے مردماں دیر اِنت کہ چہ دشت ءَ لڈ ءُ بار اِش کرتگ ءُ گْوادر نیوٹاؤن ءَ جاہ منند اَنت۔
