بلوچ یکجھتی کمیٹی ءِ سروک ڈاکٹر ماہ رنگ ءَ گوشتگ کہ بلوچستان ءِ جتائیںھند ءُ پنجاپ ءِ وانگجاھاں بلوچ نودربرانی زوریں بیگواھی تیز کنگ بوتگ بژنی گپے۔
آئی ءَ گوشتگ کہ گوستگیں روچ ءَ ھامد ء ھان مھمد جاہ منند بلیدہ کیچ ءُ سرگودھا زاشتجاہ ءِ سوشیالوجی ءِ ھپت سمسٹر ءِ نودربر ریاستی چیریں ادارھانی کارمنداں چہ سرگودھا ءَ ابراھیم نادراھجاہ ءِ دیم ءَ بھادر شاہ زپر دگ ءَ زور بیگواہ کرتگ۔ داں انوں نہ آ آمیدگس یا پولیس گسے ءَ پیش کنگ بوتگ ءُ نیکہ اے کھول ءِ مردماں آئی جاہ ءِ باروا گوشگ بوتگ۔
ڈاکٹر ماہ رنگ ءَ گوشتگ کہ پنجاپ ءِ وانگجاھاں بلوچ نودربرانی بگیری ءَ زور کارمرز کنگ ءُ آزاردھی گیش کنگ بوتگ۔ گوستگیں روچ ءَ جمیت اسلامی ءِ نودربر ونگ ءَ پنجاپ زانشتجاہ ءِ بلوچ نودربرانی سر ءَ اُرش کرتگ۔ زانشتجاہ ءِ واکدار ءُ پولیس ءَ پھازداری ءُ انساپ ءَ ابید بلوچ نودربر ترسینتگ اَنت ایشی آسر ءَ دہ ءِ نزیک ءَ نودربر دزگیر کرتگ کہ انگت ءَ پولیس ءِ بندیگ اَنت
آئی ءَ گوشتگ کہ بلوچ نودربرانی زوریں بیگواھی ءُ آیانی بگیری ءَ زور کارمرز کنگ زوت بند کنگ بہ بیت۔
