ھاران: چہ دو جتائین ھنداں چار مردم آوار جنگ ءُ بیگواہ کنگ بوتگ اَنت۔
اھوالکار ءِ رد ءَ ھاران ءِ جنگل ایریا کلی رھمت اللہ ءَ زورگریں پاکستانی لشکر ءَ بیڑ برتگ ءُسے مردم ارشاد ء امین اللہ، داؤد ء مھمد انور ءُ امین اللہ ء ابدلکادر آوار جتگ ءُ بیگواہ کرتگ اَنت۔ کم چہ کم پاکستانی لشکر ءِ بیست گاڑیانی کچ ءَ بوتگ اَنت کہ آیاں میتگ انگر کرتگ ءُ سے ئیں مردم آوار جتگ اَنت۔
بنشون ءِ رد ءَ چارمی مردم چہ ھاران ءِ بازار ءَ پجار نہ بوتگیں سلاہ بندیں مردماں آوار جتگ ءُ بیگواہ کرتگ۔آئی نام امان اللہ مھمد ھسنی اِنت کہ مرچی نیمروچ ءِ دو ءَ سید اللہ ٹالا والا ءِ نزیک ءَ سلاہ بندیں مردماں چہ دکان ءَ آوار جتگ ءُ بیگواہ کرتگ۔
