کیچ: دشت ءَ زورگریں پاکستا نی لشکر ءَ دو ورنا موسا ءُ سمیر آوار جتگ ءُ بیگواہ کرتگ اَنت۔
اھوالکار ءِ رد ءَ زور بیگواہ کنگ بوتگیں ورنا موسا ء ھالکداد ءُ سمیر ء مجید دشت کپکپار ءِ جاہ منند اَنت۔ زورگریں پاکستانی لشکر ءَ 22 ستمبر ءَ چہ دشت ءِ دورو ءَ برجاھیں پانگس ءَ ھما وھد ءَ آوار جتگ اَنت کہ آ چہ گوادر ءَ دیم پہ وتی میتگ کپکپار ءَ پیداک بوتگ اَنت۔
آیانی زوریں بیگواھی ءِگپ بلوچ راجی زرمبشت ( بی این ایم ) ءِ مردمی ھکانی ادارہ پانک ءَ راست کرتگ ءُ ماں چاگردی رسانکدر ءِ تندجاہ ایکس ءَ آیانی اکس شنگ کرتگ اَنتءُ آجوئی ءِ لوٹ کرتگ۔
