تربت: دہ سال پیش زور بیگواہ کنگ بوتگیں ماسٹر رپیک اومان ءِ زھگاں تربت پریس کلب ءَ پریس کانپریس کرتگ ءُ گوشتگ کہ چہ دہ سالاں زور بیگواھیں پہ رپیک اومان ءِ آجوئی ءِ مردمی ھکانی گل توار چست بہ کن اَنت۔
آیاں گوشتگ کہ رپیک اومان ءِ زوریں بیگواھی ءَ دہ سال سرجم بوتگ بلے انگت ءَ آئی ھچ وڑیں ھال نیست۔ پہ ھدا ءَ پچار اِت رپیک اومان ءَ آجو بہ کن اِت ءُ مارا چہ اے دراجکشیں رنجاں بہ رکین اِت۔ یا آئی ءَ آمیدگس ءَ پیش بہ کن اِت۔
زور بیگواھیں رپیک اومان ءِ زھگا نی گوشگ اِنت کہ ما انچو ھم سرپد نہ ایں کہ مئے پت انگت ءَ زندگ اِنت یا کشگ بوتگ۔
آئی ءَ گوشتگ کہ سرکار مئے پت ءَ زوتاں چہ زوت آجو بہ کنت ءُ مردمی ھکانی گل پہ آئی آجوئی ءَ توار چست بہ کن اَنت۔
پریس کانپریس ءِ میان ءَ زور بیگواھیں رپیک اومان ءِ کسانیں جنک تستگ۔
