بلوچستان آجوئی سنگر ( بی ایل ایپ ) ءِ جارکش میجر گھرام ءِ ماں رسانکدر ءَ وتی شنگ کرتگیں درشانے ءَگوشتگ کہ سرمچاراں کلات ءَ ٹیلی نار ٹاور ءِ سر ءَ تیرگواری کرتگ تباہ کرتگ ءُ درسیں مشین ءُ سامان مانداشتگ اَنت۔
آئی ءَ گوشتگ کہ دوشمبے، شانزہ ستمبر ءِ شپ ءِ ھشت ءَ کلات ءِ ھند ھربوئی مرجان ءَ بی ایل ایپ ءِ سرمچاراں اے کاروائی کرتگ ءُ پہ سلامتی وتی چیریں جاہ ءَ شتگ اَنت۔
جارکش ءَ گوشتگ کہ بی ایل ایپ یک سلاہ بندیں گلے ءِ بستار ءَ یک مھکمیں راھبندے دار ایت کہ آ نوکیں دور ءِ لوٹاں شریں وڑے ءَ سرپد اِنت ءُ وتی جنگ ءَ نوکیں لوٹانی پارست ءَ ھمگرنچی ءِ جھد ءَ اِنت۔
آئی ءَ گوشتگ کہ مرچی نوکیں دور ٹیکنالوجی ءِ دور اِنت ءُ بی ایل ایپ ءِ ٹیکٹیکل ٹولی نوکیں ٹیکنالوجی ءِ کارمرز کنگ ءِ نپ ءُ تاوانانی باروا سرجم ءَ سرپد اَنت۔
میجر گھرام ءَ ارش ءِ زمہ واری من اتگ ءُ گوشتگ کہ برجاھیں جھد ءَگڈی آسر ءَ سرکنگ ءِ کول ءَ کن ایں۔
