⦿ پاکستان ءِ سیاسی ءُ لشکری سروکاں جنگی میارباریانی سر ءَ جست گرگ لوٹ ایت۔
مردمی ھکانی کارکن پیٹر ٹیچل ءَ جنیوا ءَ اکوام متھدہ ءِ کارگس ءِ دیم ءَ بروکن چئیر ءَ بلوچ راجی زرمبشت ( بی این ایم ) ءِ زھرشانی ءَ تران کرتگ ءُ بلوچ راج ءِ گون ءَ بیوکیں رویشتانی باروا پاکستان ءِ سر ءَ میان استمانی پابندیانی لوٹ کرتگ۔ یک دھکے ءَ گیش ءِ بلوچ آجوئی زرمبشت ءِ پلہ مرزی کنوکیں ٹیچل ءَ بلوچستان ءِ سر ءَ 1948 ءَ زورگریں پاکستانی زورگپتی ایر جتگ ءُ زوریں بیگواھی، آزاردھی ءُ درآمیدگسی کوشاں ھوار برجاھیں مردمی ھکانی بگیری دیم ءَ آوارتگ اَنت۔
ٹیچل ءَ روکپتی سرکار زور داتگ اَنت کہ آپاکستان ءِ داتگیں لشکری کمکاں بدار اَنت، ءُ گوشتگ کہ پاکستان اے کمکاں پہ بلوچ لس مردمانی دارگ ءَ کارمرز کنگ ءَ اِنت۔ آئی ءَ اے چارٹر ءُ مردمی ھکانی راھبندانی بگیریانی سر ءَ گوں ھواریں سرکاراں پاکستان ءِ باسکی ءِ ھلاسی ءِ لوٹ کرتگ۔
ٹیچل ءَ بلوچ راجی آجوئی جھد ءِ پلہ مرزی ءَ میان استمانی تک ءَ کاروائی لوٹ ءِ سر ءَ زور داتگ کہ پاکستا ن ءِ سیاسی ءُلشکری سروکاں جنگی میار باری ءُ مردمگری ءِ بگیری ءَ میارباریانی جست گرگ لوٹ ایت۔
