بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں گْوادر ءُ شال ءَ دو جتائیں کاروائیانی میان ءَ زورگریں پاکستانی لشکر ءُ چیریں ادارھانی کارمند ءُ چاریگ ارشاں نشانگ کرتگ اَنت۔ ایشانی آسر ءَ یک کمکارے مرتگ ءُ یکے ٹپی بوتگ۔
جارکش ءَ گوشتگ کہ بی ایل اے ءِ سرمچاراں یک شمبے ءِ شپ ءَ گْوادر شھر ءَ زورگریں پاکستانی لشکر ءُ چیریں ادارھانی یک چاریگ ءُ کمکارے گوں دستی بمب ءَ نشانگ کرتگ۔ تراک ءِ آسر ءَ آ سکا ٹپی بوتگ۔ اے دژمن ءِ کمکار بیکری دکانداری ءِ دروشم ءَ پہ دژمنیں لشکر ءَ چاریگی کنگ ءَ بوتگ۔
آئی ءَ گوشتگ کہ دگہ یک کاروائی ءِ میان ءَ بی ایل اے ءِ سرمچاراں شال ءِ ھند کیچی بیگ ءَ زورگریں لشکر ءِ یک چاریگ ءُ کمکارے ھالد ھسین ء گلام سرور جاہ منند اوستہ مھمد تیرگواری کرتگ ءُ کشتگ۔
جارکش ءَ گوشتگ کہ اے کارمند ءِ سر ءَ بی ایل اے ءِ انٹیلینجس ءِ چم سک بوتگ اَنت، آ شال ءَ ھوار کلات ءَ پہ زورگریں لشکر ءَ چاریگی ءِ کار ءَ کنگ ءَ بوتگ۔ وھدیکہ گوست ءَ کیچی بیگ ءَ دروشم مٹ کرتگ ءُ پہ دژمنیں لشکر ءَ سرپدی یکجاہ کنگ ءِ ٹاسکپ ءَ پیلو کنگ ءَ بوتگ۔
بی ایل اے ءِ جارکش جیھند ءَ گوشتگ کہ اے دوئیں ارشانی زمہ واری ءَ بی ایل اے منّ ایت۔
