روکپتی بلوچستان: راسک ءَ بلوچی زبان ءِ دو مزن نامیں ھستی استاد آبد آسکانی ءُ ھدامرزی مبارک کازی ءِ زِند ءُ ازم ءِ بارہ ءَ دیوانے برجم دارگ بوتگ۔ دیوان ءِ جارچینی ءِ زمہ واری ھلیل دھکانی ءِکوپگاں بوتگ اَنت۔
ادار چار ءَ رند، دیوان گوں ایم شکاری ءِ گوں کران وانی ءَ بندات کنگ بوتگ۔چد ءُ پد ارپان ھوت ءَ دیوان وش آتک کرتگ۔پد ءَجارچین ءَ ایم شکاری توار کرتگ کہ آئی ءَ استاد آبد آسکانی ءِ زِند ءُ ازم ءِ بارہ ءَ تران کرتگ ءُ بلوچی کلاس ءِ بارہ ءَ سرپدی دات۔پد ءَھسن برجان توار پِر جنَگ بوتگ کہ آئی لچھے ونتگ۔
برکت برجان توار کنگ بوتگ کہ آئی ءَ ھم استاد آبد آسکانی ءِ بارہ ءَ گپ ءُ تران کت ءُ یک لچھے گوں وش تواری ءَ ونتگ ئِے۔ انور لاشاری توار کنگ بوتگ آئی ءَ یک لچھے استاد آبد آسکانی ءِ بارہ ءَ ونتگ۔
پد ءَ بانک سدیکہ دادوَر توار کنگ بوتگ۔ آئی ءَ ھم استاد آبد آسکانی ءُ ھدامرزی مبارک کازی ءِ بارہ ءَ گپ ءُ تران کرتگ ءُ وتی ھیال درشان کرتگ اَنت۔ رپیک رھچار ءَ ماتی زبان ءِ ارزشت ءِ بارہ ءَ گپ جتگ
ءُ یک دستونکے ونتگ۔
دیوان ءِ دومی بھر ءَ چہ درستاں پیسر مولابکش رئیسی توار کنگ بوتگ آئی ءَ ھم زبان ءُ استاد آسکانی ءِ بارہ ءَ گپ ءُ تْران کرتگ۔ مھبوب پائز آتکگ ءُ وتی لچھے ونتگ ئے۔مھراب برم آتکگ ءُلچھے ونتگ ئِے۔
پد ءَ نورجان پیشنی آتک ءُ وتی لچھِےپہ دیوان ءَ ونت ءُ داد گپتگ۔ واھد وداریگ آتک ءُ پہ لچھے دیوان ءَ ندر ئِے کرتگ۔ یھیا بلوچ توار کنگ بوتگ آئی ءَ ھم یک دستونکے دیوان ءَ ونتگ۔ ابدل باسد بیدُک ءَیک دستونکے ونتگ۔گُڈسر ءَ مھمد امین سربازی آتک ءُ دیوان ءَ لچھے ونتگ ئِے۔
