بولان/ چمالنگ/ کیچ؛ زورگریں کستانی لشکر ءِ لشکرکشی برجاہ اِنت ءُ پہ کمک ءَ جنگی بالگرد تر ءُ گرد کنگ ءَ اَنت۔
بنشون ءِ رد ءَ دوشی چمالنگ، راڑ شم ءُ بگاؤءَ زورگریں پاکستانی لشکر پیادگ ءُ گاڑیانی سر ءَ بازیں کچے ءَ روگ ءَگندگ بوتگ ءُ جنگی بالگردانی تر ءُ گرد برجاہ اِنت۔ کوھلو ءَ پاکستانی لشکر ءِ کارمند بازیں کچے ءَ مچ بوتگ اَنت ۔
دومی نیمگ ءَ بولان ءِ ھند کھوسٹ، شاھرگ، کمان، بزداد، ترکڑ، جمبرو، پُڑ، چکی واڑ ءُ کر ءُ کشاں پاکستانی لشکر ءِ لشکر کشی برجاہ اِنت۔ زی زورگریں پاکستانی لشکر ءِ جنگی بالگرداں گسانی سر ءَ تیرگواری کرتگ انگت ءَ دگہ جانی تاوان ءِ ھال نیست۔
اھوالکار ءِ رد ءَ کیچ ءِ جتائیں ھنداں ھوشاپ، تجابان ءُ گورکوپ ءَ پاکستانی لشکر ءِ لشکرکشی برجاہ اِنت۔ پاکستانی لشکر بازیں کچے ءَ کوھاں پترگ ءَ گندگ بوتگ اَنت۔
