بلوچستان آجوئی سنگر ( بی ایل ایپ ) ءِ جارکش میجر گھرام ءَماں رسانکدر ءَ وتی شنگ کرتگیں درشانے ءَ گوشتگ کہ سرمچاراں بارکان، تربت ءُ زمران سے جتائیں ارشاں موبائل ٹاور ءُ زورگریں لشکر نشانگ کرتگ اَنت۔
آئی ءَ گوشتگ کہ ھپت ستمبر ءَ بیگاہ ءِ چار ءَ سرمچاراں بارکان ءِ ھند مری وال ءَ مکیں یوپون شرکت ءِ موبائل ٹاور ءِ سر ءَ ارش کرتگ ءُ مشین ءُ ساماناں ھوار تباہ کرتگ۔
جارکش ءَ گوشتگ کہ دگہ یک ارشے ءَ سی اگست ءِ شپ ءَ ھشت ءَ تربت آپسر دکی بازار ءَ برجاھیں ایپ سی ءِ پانگس گوں دستی بمب ءَ نشانگ کرتگ۔ ارش ءَ ایپ سی ءِ دو کارمند ٹپی بوتگ۔
آئی ءَ گوشتگ کہ سیمی اُرش ءَ سرمچاراں زامران ءِ ھند دشتک ءَ پاکستانی لشکر ءِ نیمگ ءَ جتگیں دامگ ( وائی پائی) ٹاور گوں تیرگواری ءُ ماندارگ ءَ تباہ کرتگ۔ وھدیکہ ٹاور ءِ سولر ءُ بیٹری سسٹم گوں وت برتگ اَنت۔
جارکش ءَ گوشتگ کہ بی ایل ایپ ءِ مول یک آجوئیں بلوچستانے ءِ گرگ اِنت، پہ اے مول ءَ بی ایل ایپ سلاہ بندیں جھد ءِ پارست ءَ ریاست پاکستان ءِ لشکری کارمند، لشکری شوربندی، رھواتی نزام ءَ نشانگ کنت ءُ ریاست ءَ تاوان دیگ ءَ اِنت۔ بی ایل ایپ ءَ سرجم ءَ بلوچ راج ءِ پلہ مرزی گون اِنت ءُ راج ءِ کمک ءَ گل برجاہ ءُ مھکم اِنت۔
میجر گھرام ءَ ارشانی زمہ واری من اتگ ءُ گوشتگ کہ داں بلوچستان ءِ آجوئی ءِ گرگ ءَ ارشانی برجاہ دارگ ءِ کول ءَ کن ایں۔
