کیچ ءِ ھند ناسرآباد ءَ زورگریں پاکستانی لشکر ڈرون کیمرہ ءَ میتگ ءِ گسانی سر ءَبال دیگ ءُ مردماں ترسینگ ءَ اِنت۔
ھندی مردمانی گوشگ اِنت کہ پاکستانی لشکر ءِ نیمگ ءَ سرجمیں شپ ءَ دڑون کیمرہ بال دیگ بیت ءُ گس ءُ چاردیولانی سر ءَ کیمرہ تر ءُ گرد کنت چہ ایشی ءَ مردم ترس آماچ اَنت۔
آیانی گوشگ اِنت کہ چہ لین ءِ نیستی ءِ سوب ءَ مردم شپاں گساں وپت نہ کن اَنت ءُ چہ گساں ڈن وپتگ اَنت، چہ پاکستانی لشکر ءِ نیمگ ءَ ڈرون کمیرہ ءِ بال دیگ ءَ مردم سکا جنجال اَنت۔
یات بہ بہ اِت کہ سرجمیں بلوچستان ءَ زورگریں پاکستانی لشکر ءِ بنجل ءُ پانگس آبادیانی میان ءَ برجاہ اَنت۔ چہ جتائیں ھند ءُ دمگاں مردم زورگریں پاکستا نی لشکر ءِ ھمے وڑیں بدیں کارپدانی گپاں جنگ ءَ اَنت۔
