شال: بیگواھیں بلوچانی توار ( وی بی ایم پی ) ءَ ماں رسانکدر ءَ وتی شنگ کرتگیں درشانے ءَ گوشتگ کہ میر زمان سمالانی ءُ اھمد نواز سمالانی ءِ زوریں بیگواھی ءِ کیس کھولاں گل ءِ کِر ءَ یاداشت کرتگ ءُ گوشتگ کہ ھمے سال ءِ چار پروری ءَ میر زمان سمالانی ء شاہ زمان، اھمد نواز سمالانی ء ھدا ئے رھیم ءُ سنا بنگلزھی چہ مچ ءَ شال ءَ پیداک بوتگ اَنت چہ ڈیگاری ءَ پاکستانی لشکر ءَ آوار جنگ ءَ پد بیگواہ کرتگ اَنت۔ دومی روچ ءَ سنا اللہ بنگلزھی یل کنگ بوتگ ءُ میر زمان سمالانی ءُ اھمد نواز سمالانی انگت بیگواہ اَنت۔
آیانی کھول ءِ گوشگ اِنت کہ آیان ءَ آزیزانی باروا سرپدی دیگ ءَ نہ اَنت کہ چہ ایشی آ سکا جنجالانی دیمپان اَنت۔
آئی ءَ گوشتگ کہ گل ءَ کھول دلجمی داتگ کہ میر زمان سمالانی ءُ اھمد نواز سمالانی ءِ کیس ءَ پہ زور بیگواھیں مردماں جوڑ بوتگیں کمیشن ءُ سرکار ءَ دے ایں، پہ دوئینانی آجوئی ءَ ھمک جاہ ءَ توار چست کن ایں۔
