شال: نو سال پیش زورگریں پاکستانی لشکر ءِ دست ءَ زور بیگواہ کنگ بوتگیں ابدرھمان مری ءِ کھول ءَ پہ آئی آجوئی ءَ توار چست کنگ ءِ لوٹ کرتگ۔
کھول ءِ گوشگ اِنت کہ ابدرھمان مری ء مھمد بکش نوکیں کاھان ءِ جاہ منند اِنت کہ 13 پروری 2015 ءَ پاکستانی لشکر ءُ چیریں ادارھانی کارمنداں آوار جتگ ءُ بیگواہ کرتگ کہ انگت بیگواہ اِنت۔
آئی ءَ گوشتگ کہ چہ ابدرھمان مری ءِ زوریں بیگواھی ءَ مئے تیوگیں کھول ءِ مردم رنجانی دیمپان اَنت۔
کھول ءَ گوں مردمی ھکانی ادارھاں لوٹ کرتگ ءُ گوشتگ کہ پہ ابدرھمان ءِ آجوئی ءَ توار چست بہ کن اَنت۔ اگاں آئی سر ءَ میارباری ءِ چونیں بھتامے ھست گڑا آمیدگس ءَ پیش کنگ بہ بیت۔
