بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ اگست ءَ بوتگیں ارشانی گزارش شنگ کرتگ ءُ گوشتگ کہ بی ایل ایپ ءِ سرمچاراں اگست ءَ پاکستانی لشکر، لشکری شوربندی ءُ پاکستان ءِ وتگڑیں آجوئی شاتکامی مراگش 51 ارشاں نشانگ کرتگ اَنت۔
جارکشءَ دیمتر ءَ گوشتگ کہ ارشاں پاکستانی لشکر ءِ 35 کارمند ءَ گیش مرتگ ءُ 40 ٹپی بوتگ۔ ارشاں دژمن ءِ چار کمکار نشانگ کرتگ ءُ کشتگ ءُ یکے ٹپی کرتگ۔ ارشاں دژمنءِ یک ڈرون کیمرھے نشانگ کرتگ ءُ دور داتگ، چار ٹاوراں ھوار بند ساچی شرکت ءِ سائٹانی سر ءَ ارش کرتگ ءُ مشین ءُ سامان تیرگواری کرتگ ءُ مانداشتگ اَنت۔
آئی ءَ گوشتگ کہ ارشاں لشکر ءِ بازیں گاڑی ءُ پرپٹ تاوان بوتگ اَنت۔
جارکش ءَ گڈی ءَ گوشتگ کہ پہ ماتیں سرڈگار ءِ دیمانی ءَ بی ایل ایپ ءِ دو ھمبل سرمچار شمبین پنام شیھک ءُ میجر نسر اللہ پنام استاد چاکر شھیدبوتگ اَنت۔
