آواران: دو سال پیش چہ ھزدار ءَزورگریں پاکستانی لشکر ءِ دست ءَ زور بیگواھیں ممتاز ءِ گھارزتک بانڑی ءَ ماں رسانکدر ءَ وتی شنگ کرتگیں درشانے ءَ گوشتگ کہ منی ناکو ممتاز 6 ستمبر 2022 ءَ چہ ھزدار ءَ سیمی بر ءَ آوار جنگ ءُ جنگ ءُ بیگواہ کنگ بوتگ کہ گوستگیں دو سال بیت بیگواہ اِنت۔ چہ ایشی پیش آ دوبر ءَ بیگواہ کنگ بوتگ چہ بازیں آزاراں پد یل کنگ بوتگ، اے سیمی بر ءَ بیگواہ کنگ بوتگ پد ءَ ھما انت آئی باروا ھچ وڑیں ھال نیست۔
آئی گوشتگ کہ منی ناکو ءِ زوریں بیگواھی ءِ دو سال سرجم بوگ ءَ 6 ستمبر ءَ بلوچ وائس پار جسٹس ءِ نیمگ ءَ کمیپینے برجم دارگ ءِ جار پرینگ بوتگ۔ من گوں درسیں زور بیگواھیں مردمانی کھولءُ مردمی ھکانی کارکنانی گون ءَ لوٹ ءَ کن آں آ اے باروا وتی دو دمانی تارمربند ی کلوہ شنگ بہ کن اَنت ۔
بانڑی ءَ گوشتگ کہ چہ ایشی ابید گوں درسیں سیاسی ءُچاگردی کارکن، وکیل، اھوالکاراں درسیں بھرگاں سیادی داروکیں مردمانی گون ءَ لوٹ کن ایں کہ آ اے کمیپین ءَ بھر بزور اَنت ءُ پہ ممتاز ءِ آجوئی ءَ توار چست بہ کن اَنت۔
