بلوچ آجوئی لوٹوکیں سروک ابدالنبی بنگلزھی ءَ وتی سر ءَ انڈیپنڈینٹ اردو ءَ سجاد ازھر ءِ نبشتانک ءِپژدر ءَ گوشتگ کہ انڈیپنڈینٹ اردو ءَ سجاد ازھر ءَ وتی نبشتانک ردیں سرپدیءُ پندل ءِ پارست ءَ منی سر ءَ بے بنیادیں بھتام جتگ، ایشی من گوں ترندیں دانکاں رد کن آں۔
آئی ءَ دیمتر ءَ گوشتگ کہ نبشتانک ءِ درسیں گپ بے بیاد اَنت ءُ چہ راستی ءَ دور اَنت۔
ابدالنبی بنگلزھی ءَ گوشتگ کہ من کدی ھم بی ایل اے ءِ باسک نہ بوتگ آں۔ نبشتہ کار ءِ باپاریانی لٹ ءُ پل ءُ شھریانی کوش ءِ منی ءَ گون ءَ ھمگرنچ کنگ ءُ منی کرد ءِ تاوان دیگ ءِ جھد اِنت۔ انڈیپنڈینٹ اردو ءِ وڑیں مزنیں ادارھے ءَ لوٹ ایت کہ آ نبشتہ کار ءِ بگیری ءَ پٹ ءُ پول بہ کنت ءُ منی سر ءَ جتگیں بھتام ءَ بہ گیشین ایت۔
