بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ 29 اگست ءِ شپ ءَ ادار ھپت ءَ سرمچاراں مستونگ ءِ ھند تلک کاوی ءَ برجاھیں پاکستانی لشکر ءِ بنجل ءِ سر ءَ گوں راکٹ لانچر ءُ آدگہ نوکیں ءُ مزنیں سلاھاں اُرش کرتگ۔ راکٹ ءِ گولا بنجل ءِ تہ ءَ کپتگ اَنت چہ ایشی ءَ لشکر ءَ جانی ءُ مالی تاوان بوتگ۔
آئی ءَ گوشتگ کہ کاروائی ءَ پد لشکر ءَ مارٹر گولا آس داتگ ءُ تیرگواری کرتگ، بلے سرمچار گوں سلامتی ءَ وتی بندر ءَ سربوتگ اَنت۔
جارکش ءَ گوشتگ کہ دگہ یک کاروائی یے ءَ مرچی نیمروچ ءِ دو ءَ سرمچاراں ھاران بازار ءَ چیپ چاراہ ءِ نزیک ءَ زورگریں پاکستانی لشکر ءِ گاڑی گوں دستی بمب ءَ نشانگ کرتگ چہ ایشی ءَ دژمن ءِ یک کارمندے مرتگ ءُ دو ٹپی بوتگ۔
آئی ءَ گوشتگ کہ چہ وتی ابرم ءِ لاچاری ءَ سسائی پروش وارتگیں لشکری کارمند ترس آماچ بوتگ اَنت سکا تیرگواری اِش کرتگ ءُ ایشی آسر ءَ دو رھگوز ٹپی بوتگ ءُ گاڑی تاوان بوتگ اَنت۔
جارکش ءَ گوشتگ کہ بی ایل ایپ بلوچستان ءِ ھمک دمگ ءَ گوں وتی جوانیں جنگی رپکاں لشکر ءَ نشانگ کنگ ءَ اِنت۔ چہ ایشی سوب ءَ لشکر سسائی نادراہ ءُ ترس آماچ بوتگ۔ چہ ھمے سوب ءَ لس مردمانی سر ءَ تیرگواری کنت ءُ وتی زھراں شان ایت۔
میجر گھرام ءَ اُرشانی زمہ واری منّ اِتگ ءُ گوشتگ کہ داں پاکستانی لشکر ءِ در آھگ ءَ وتی اُرشاں برجاہ دار ایں۔
