پنجگور ءِ ھند پروم ءَ زورگریں پاکستانی لشکر ءَ دو ورنا آوار جتگ ءُ بیگواہ کرتگ اَنت۔
اھوالکار ءِ رد ءَ زور بیگواہ کنگ بوتگیں ورنایانی نام شھسوارء شھید ھسین ءُ مرتزا ء الی اِنت۔ پاکستانی لشکر ءَ مرچی چہ پروم جیرک ءِ سیمسر ءَ آوار جتگ ءُ بیگواہ کرتگ اَنت۔
زور بیگواھیں شھسوار پروم ءِ میتگ جاھین ءِ جاہ منند اِنت ءُ مرتزا ء الی شمسر ( ھک آباد ) ءِ جاہ منند اِنت۔
اے دوئیں ورنا جیرک ءُ سیمسر ءَ مزدوری کنگ ءَ بوتگ اَنت کہ پاکستانی لشکر ءَ آوار جتگ ءُ بیگواہ کرتگ اَنت۔
