آواران: چہ تیرتیج ءَ زورگریں پاکستانی لشکر ءِ دست ءَ زور بیگواہ کنگ بوتگیں ڈاکٹر دلجان ء اللہ بکش ءِ کھول ءَ پہ آئی آجوئی ءَ توار چست کنگ ءِ لوٹ کرتگ ءُ گوشتگ کہ ڈاکٹر دلجان 12 جون 2024 ءَ سھب ءِ ادار پنچ ءَ آوار جنگ ءُ بیگواہ کنگ بوتگ۔ پاکستانی لشکر ءِ ھواری ءَ سادگ پوشاکیں مردم پرپٹ ءُ گاڑیانی سر ءَ آتکگ اَنت ءُ آیاں ڈاکٹر دلجان ءِ مات ھم زوراکی ءِ نشانگ کرتگ۔ ڈاکٹر دلجان ءِ کسان کسانیں زھگ اَنت چہ وتی پت ءِ زوریں بیگواھی ءَ پد سکا پریشان اَنت۔
آئی ءَ گوشتگ کہ ڈاکٹر دلجان وھد ءِ پابندی ءِ سر ءَ وتی کار ءِ سر ءَ شتگ ءُ آتکگ، چہ آئی زوریں بیگواھی ءَ مئے تیوگیں کھول سکا رنجانی دیمپان اِنت۔
کھول ءَ گوشتگ کہ ما ھمے لوٹ ءَ کن ایں کہ ڈاکٹر دلجان ءَ یل بہ کن اِت، اگاں آئی چونیں میاباری ءِ بھتامے ھست گڑا آمیدگس ءَ پیش کنگ بہ بیت۔
آئی ءَ گوں درسیں مردمی ھکانی ادارھاں لوٹ کرتگ ءُ گوشتگ کہ پہ ڈاکٹر دلجان ءِ آجوئی ءَ توار چست بہ کن اَنت آ زوتاں چہ زوت آجو بہ بیت۔
