مستونگ: زور بیگواھیں سئید اھمد ءِ کھول ءَ وتی شنگ کرتگیں درشانے ءَ گوشتگ کہ سئید اھمد ء ھیب اللہ 29 اگست 2013 ءَ چہ مستونگ ءِ شھدگ ءَ جنگل دوراھی ءَ گوں وتی ناکوزتک ھاپز ابداللہ ءِ ھواری ءَ بیگواہ کنگ بوتگ۔ ھاپز ابداللہ پنچ سال ءِ زوریں بیگواھی ءَ پد آجو بوتگ بلے سئید اللہ انگت بیگواہ اِنت۔
آئی ءَ گوشتگ کہ ما پہ سئید اللہ ءِ آجوئی ءَ باز بر ءَ جے آئی ٹیز ءُ کمیشناں شتگ ءُ پیش بوتگ ایں آیاں مارا دلبڈی داتگ کہ سئید اللہ بے میار اِنت یل کنگ بیت۔ اے 29 اگست ءَ آئی ءَ یازدہ سال سرجم بوگ ءَ اِنت کہ انگت ءَ آئی ھچ وڑیں ھال نیست۔
کھول ءَ گوشتگ کہ سئید اھمد ءِ زوریں بیگواھی ءِ بگیری ءَ 30 اگست ءِ بیگاہ ءِ شش ءَ داں شپ ءِ دہ ءَ چاگردی رسانکدر ایکس ءَ کمپینے برجم دار ایں بھر بزور اِت۔
