بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ پدائی آپریشن ” ھیرپ“ ءِ پارست ءَ بی ایل اے ءِ پدائی یونٹ مجید برگیڈ ءَ زورگریں پاکستانی لشکر ءِ بیلہ بنجل ءِ سر ءَ اُرش کرتگ ءُ داں انوں بنجل ءَ ھژدہ اداراں وتی دستیگی ءِ برجاہ دارگ ءَ سوبین بوتگ اَنت ءُ دژمن ءِ گون ءَ میڑ برجاہ اِنت۔ داں انوں دژمن ءِ 64 کارمند مرتگ ءُ درزنانی کچ ءَ ٹپی بوتگ اَنت۔ آیانی تہ ءَ مجید برگیڈ ءِ پدائی ماھل پنام ذلان کُرد ء کھدہ ھمید جاہ منند سور بند گْوادر ءُ پدائی رزوان پنام ھمل ء مولابکش جاہ منند پانوان گْوادر بنداتی بمب اُرش ءُ دگہ دو پدائی دژمن ءِ بنجل ءِ تہ ءَ میڑ ءَ شھید بوتگ اَنت۔ آیانی سرجمیں ھال ءَ رند ءَ شنگ کن ایں۔
آئی ءَ گوشتگ کہ ھمے وڑ ءَ سرجمیں بلوچستان ءَ درسیں شھدگانی سر ءَ بی ایل اے ءِ پتہ اسکواڈ ءُ ایس ٹو او ایس ءَ سنگر گپتگ ءُ دستیگ کرتگ اَنت 62 لشکری کارمند کشتگ۔ وتی مول ءَ سوبین بوگ ءَ پد بی ایل اے ءِ یونٹ پتہ اسکواڈ ءُ ایس ٹی او ایس ءَ دگ بندیانی ھلاس کنگ ءِ پرمان داتگ۔ لس مرمان ءَ گوش ایں کہ آ پہ سپر ءَ شھدگاں شت کن اَنت۔
جارکش ءَ گوشتگ کہ آپریشن ھیروپ ءِ رد ءَ داں انوں کشتگیں دژمنیں لشکری کارمندانی کچ 126 ءَ سر بوتگ۔ سرجمیں درشان زوت رسانکدر ءَ شنگ کنگ بیت۔
