پنجگور: زی آوار جنگ ءُ بیگواہ کنگ بوتگیں ورنا اللہ نزر ء ھدا نزر ءِ کھول ءِ نیمگ ءَ سی پیک دگ ءَ زھرشانی نندانک برجاہ اِنت۔
زھرشانی ءَ جنین ءُ زھگاں ھوار ھندی مردماں بازیں کچے ءَ بھر زرتگ ءُ نشتگ اَنت۔ زھرشانی ءَ نشتگیں مردماں اللہ نزر ءِ اکس ھم گون اَنت۔
چہ سی پیک دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتاتگ اَنت ءُ مساپر سکا جنجالانی دیمپان اَنت۔
اللہ نزر ءِ کھول ءِ گوشگ اِنت اگاں مئے زھگ ءِ سر ءَ چونیں بھتامے ھست گڑا آمیدگس ءَ پیش کنگ بہ بیت اگاں بے میار اِنت زوت یل کنگ بہ بیت۔ دانکہ مئے زھگ یل کنگ نہ بوتگ ما وتی زھرشانی نندانک ءَ برجاہ دار ایں۔
یات بہ بہ اِت کہ اللہ نزر ءَ زی پجار نہ بوتگیں سلاہ بندیں مردماں چہ چتکان ءَ تار آپس ءَ آوار جتگ ءُ گوں وت برتگ ءُ بیگواہ کرتگ۔ سلاہ بندیں مردمانی باروا ھمے گمان کنگ بوگ ءَ اِنت کہ پاکستانی لشکر ءِ جوڑ کرتگیں چیریں ادارھانی کارمند اَنت۔
