بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءَ سرجمیں بلوچستان ءَ پدائی آپریشن ” ھیروپ” بندات کرتگ۔ ایشی پارست ءَ بی ایل اے ءِ ایلیٹ پدائی یونٹ مجید برگیڈ ءِ پدائیاں بیلہ ءَ زورگریں پاکستانی لشکر ءِ مزنیں بنجل ءِ سر ءَ ارش کرتگ ءُ تہ ءَ پترگ ءَ سوبین بوتگ اَنت۔ وھدے کہ بی ایل اے ءِ سرمچارانی آدگہ ٹولی سرجمیں بلوچستان ءَ شھدگاں بند کرتگ اَنت ءُ سرجم ءَ دستیگ اَنت۔
آئی ءَ گوشتگ کہ بی ایل اے بلوچاں سرپد کنت کہ آ چہ شھدگاں وت ءَ دور بدار اَنت ءُ بلوچ سرمچارانی گون ءَ کمک بہ کن اَنت۔ وھدیکہ پولیس ءُ لیویز لشکر ءَ کڈن کن ایں کہ مئے جنگ گوں زورگریں پاکستانی لشکر ءَ اِنت پمیشکا پولیس ءُ لیویز دزمانجنی مہ کن اَنت، اگاں نہ پولیس ءُ لیویزانی سر ھم اُرش کنگ بیت۔
جیھند ءَ گوشتگ کہ رسانکدر ءَ سرجمیں ھالاں زوت شنگ کن ایں۔
