بلوچ آجوئی لشکر ( بی ایل اے) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ 20 اگست ءَ مئے دو سرمچار پہ گل ءِ کارے ءَ پنجگور ءِ ھند چتکان ءَ بوتگ اَنت کہ شپ ءِ یک ءَ زورگریں پاکستانی لشکر ءَ ھندی کشندہ ٹولی ءِ ھمراھی ءَ گریب آباد ءَ آیانی بندر انگر کرتگ ءُ بیڑ برگ ءِ جھد کرتگ۔ اے لشکرکشی ءِ پارست ءَ لگوریں دژمن ءَ ھمے ھند ءَ برجاھیں وتی بنجل ءِ درسیں کارمند ءُ مشینری کارمرز کرتگ اَنت۔ بلے چہ ایشی ابید نہ ترسیں ھمبل سلاھاں چگل بہ دے اَنت آیاں شھیدی گچین کرتگ ءُ دیم پہ دیمی کرتگ، داں سھب ءَ سدانی کچ ءَ کارمند ءُ کمکاراں ھواریں دژمن ءِ گون ءَ جنگ داتگ۔
جارکش ءَ گوشتگ کہ میڑ ءِ آسر ءَ پاکستانی لشکر ءِ یازدہ کارمند مرتگ ءُ پانزدہ ءَ گیش ٹپی بوتگ اَنت۔ وھدیکہ داں پنچ اداراں گیش میڑ ءَ پد بی ایل اے ءِ دوئیں نہ ترسیں ھمبل زاھد جان پنام جنگو ءُ ھاپز ممتاز پنام ملا یوسپ شھید بوتگ اَنت۔ سنگت ھاپز ممتاز جنگ ءِ میان ءَ گوں نہ ترسی ءَ مڑ اتگ ءُ شھید بوتگ، زاھد جان تیرانی ھلاسی ءَ گڈی تیر ءِ لیکہ ءِ سر ءَ وت ءَ جتگ ءُ نمیران کرتگ۔
آئی ءَ گوشتگ کہ شھید سنگت ھاپز ممتاز پنام ملا یوسپ ء ملا ابدالمجید بندات ءَ واشک ناگ ءِ جاہ منند بوتگ۔ آگوستگیں دو سال بیت کہ بی ایل اے ءِ راھبند ءِ سر ءَ راجی زمہ واری ءَ پیلو کنگ ءَ بوتگ۔ اے کسانیں وھد ءَ آئی بولان، پنجگور ءُ واشک ءَ ھوار جتائیں جنگاں آئی وت ءَ جوانیں وڑے ءَ پیش داشتگ۔ آئی ایمانداری، مھکمیں ارادہ ءُ مزن توکلی ءُ نہ ترسی ءِ درورے زندگ داشتگ کہ پہ مدامی گیر آرگ بیت۔
جارکش ءَ گوشتگ کہ شھید زاھد جان پنام جنگو ء زاکر وشبود پنجگور ءِ جاہ منند اِنت۔ آ گوستگیں سے سال اِنت کہ بی ایل اے ءِ راھبند ءِ سر ءَ وتی راجی پرز ءَ پیلو کنگ ءَ بوتگ۔ آئی وتی جھدکاری چہ بولان ءَ بندات کرتگ ءُ کسانیں وھدے ءَ بولان ءَ ھوار واشک، پنجگور ءُ آدگہ جاھانی جنگاں بے دروریں کردے پیلو کرتگ۔ آ یک سکا نہ ترسیں جنگول، یک ایمانداریں جھدکار ءُ یک کابلیں سرمچارے اَت۔ آ دیمونی دیوکیں یک انچیں کھولے ءَ گوں بندوک اِنت کہ چہ آئی پیش چار جھدکار پہ راجی زرمبشت ءَ شھید بوتگ اَنت۔
بی ایل اے ءِ جارکش آزاد ءَ گوشتگ کہ پنجگور ءِ دلبند ءَ پہ آھوکیں پدریچ ءَ دیمونی ءِ بے دروریں سانے ھلگ وھدے کہ پہ لگوریں دژمن ءَ ترس آماچ کنگ ءِ سر ءَ بی ایل اے وتی ھمبلانی سر ءَ پھر بند ایت۔
