بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں شانزہ اگست ءِ شپ ءِ ھشت ءَ کیچ ءِ بنجاھی شھر تربت، سنگانی سر ءَ سائن بورڈ ءَ برجاھیں زورگریں پاکستانی لشکر ءِ پانگس ءِ سر ءَ دستی بمبے چگل داتگ کہ چہ ایشی ءَ دژمن ءَ تاوان بیتگ۔اُرش ءِ وھد ءَ دژمن ءِ یک کارمندے پانگس ءَ ساڑی بیتگ۔
آئی ءَ گوشتگ کہ بی ایل ایپ بلوچستان ءَ پاکستانی زوراکیانی پسوا سلاہ بندیں جُھد ءِ رِد ءَ دیگ ءَ اِنت ءُ بی ایل ایپ ءِ ھرچ اُرش دژمن ءَ جانی ءُ مالی تاوان دنت۔
میجر گھرام ءَ ارش ءِ زمہ واری من اتگ ءُ گوشتگ کہ کول کن ایں داں پاکستانی لشکر ءِ دراھگ ءُ روگ ءَ دژمن ءِ سر ءَ اُرش برجاہ بنت۔
