بلوچستان آجوئی سنگر ( بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں سیزدہ اگست ءِ شپ ءَ پروم کلیری ءَ آرمی ءِ بنجل ءِ سر ءَ اُرش کُرتگ ءُ شانزہ اگست ءِ سُھب ءِ یازدہ ءَ بلیدہ کڑکی ءَ آرمی ءِ چیردستی ءَ کارمرز بوؤکیں پی ٹی سی ایل کمیونیکیشن ٹاور تاوان دتگ۔
آئی گوشتگ کہ سیزدہ اگست ءِ شپ ءَ سرمچاراں پروم کلیری ءَ آرمی ءِ بنجل ءِ سر ءَ گوں راکٹ لانچرز، گرنیڈ لانچرز ءُ مشین گناں اُرش کُرتگ ءُ جانی ءُ مالی تاوان داتگ۔
جارکش ءَ گوشتگ کہ شانزہ اگست ءِ سُھب ءِ یازدہ ءَ بلیدہ کڑکی ءَ آرمی ءِ چیردستی ءَ کارمرز بیتگیں پی ٹی سی ایل ءِ ٹاور ءِ سر ءَ اُرش کُرتگ ءُ دور داتگ ءُ دُرسیں مشین ءُ سامان مانداشتگ اَنت۔ چہ ھمے رھوتی نزام ءِ پارست ءَ پاکستانی آرمی بلیدہ، زامران ءُ کیچ ءِ جتائیں جاگھاں رھوتی نزام ءَ ھلائینگ ءَ اِنت۔
آئی ءَ گوشتگ کہ بی ایل ایپ نہ ایوک ءَ آرمی ءَ نشانگ کنگ ءُ تاوان دیگ ءَ اِنت بلکیں آئی ءِ چیردستی ءَ کارمرز بیتگیں ٹریکنگ سسٹم ءَ ھم آدرہ کنگ ءَ اِنت چے ءَ کہ چہ ھمے رھوتی نزام ءِ آسراتی ءَ آرمی سرمچاراں ٹریس کنگ ءِ جُھد ءَ کنت۔
میجر گھرام ءَ اُشانی زمہ واری من اِتگ ءُ گوشتگ کہ داں بلوچستان ءِ آجوئی ءَ زورگریں لشکر ءِ سر ءَ اُرش برجاہ بنت۔
