بلوچ آجوئی لشکر ( بی ایل اے ) ءِ جارکش جیھند ءَماں رسانکدر ءَ وتی شنگ کرتگیں درشانے ء َ گوشتگ کہ بی ایل اے ءِ سرمچاراں شال، زامران،نوشکےءُ ھزدار ءَ ھپت جتائیں ارشاں زورگریں پاکستانی لشکر ءُ دژمن ءِ وتگڑیں آجوئی شاتکامی دیوان نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں دوشی شال ءِ شھر نواب اکبر بگٹی اسٹیڈیم ءِ سر ءَ ھما وھد ءَ گرنیڈ ءِ بازیں گولا آس داتگ زورگریں پاکستانی لشکر ءِ سروکی ءَ وتگڑیں چاردہ اگست ءِ دیوان برجم بوتگ، زوگریں لشکر ءُ وتگڑیں سرکار ءَ کروڑانی کچ ءَ زر ھرچ کرتگ ءُ اے پروگرام برجاہ داشتگ ۔
جارکش ءَ گوشتگ کہ انشپی دگہ یک کاروائی یے ءَ بی ایل اے ءِ سرمچاراں شال ءَ ریلوے اسٹیشن ءِ نزیک ءَ زورگریں پاکستانی لشکر ءِسروکی ءَبرجاھیں وتگڑیں آجوئی شاتکامی دیوان گوں بمب ءَ نشانگ کرتگ۔
آئی ءَ گوشتگ کہ ھمے وڑ ءَ بی ایل اے ءِ سرمچاراں شال ءِ سیکریٹریٹ ءِ سر ءَ گرنیڈ ءِ لانچر ءِچار گولا آس داتگ ءُ نشانگ کرتگ۔
آئی ءَ گوشتگ کہ دگہ یک کاروائی یے ءَ بی ایل اے ءِ سرمچاراں شالءِ ھند اکتر آباد ءَ زورگریں پاکستانی لشکر ءِ پانگس گوں دستی بمب ءَ نشانگ کرتگ چہ ایشی کم چہ کم دو کارمند ٹپی بوتگ۔
جارکش ءَ گوشتگ کہ بی ایل اے ءِ سرمچاراں مرچی سھب ءَ زامران ءِ سابونی ءَ زورگریں پاکستانی لشکر ءِ یک پانگسے ءَ چہ دو نیمگاں ارش کرتگ۔
آئی ءَگوشتگ کہ سرمچاراں گوں اسنائپر ءَ یک دژمنیں کارمندے جاھی کشتگ ءُ ارش بندات کرتگ، دژمنیں لشکر ءِ سر ءَ گوں مزنیں سلاھاں ارش کرتگ دگہ سے کارمند ٹپی بوتگ۔ زورگریں لشکر ءِ جتگیں سرویلنس کیمرہ سرمچاراں ارش ءَ تباہ کرتگ۔
جارکش ءَ گوشتگ کہ دگہ یک کاروائی یے ءَ سرمچاراں مرچی سھب ءَ ھزدار ءَ زورگریں پاکستانی لشکر ءِ جوڑ کرتگیں کشندہ ٹولی ءِ کارمند یونس مھمد شھی ءِ گس گوں دستی بمب ءَ نشانگ کرتگ۔
آئی ءَ گوشتگ کہ بی ایل اے ءِ سرمچاراں دگہ یک کاروائی یے ءَ نوشکے ءَ زور آباد ءَ زورگریں پاکستانی لشکر ءِ کارمند گوں دستی بمب ءَ نشانگ کرتگ کہ چہ ایشی کم چہ کم دو کارمند ٹپی بوتگ۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ زورگریں پاکستانی لشکر ءِ چہ بلوچستان ءَ سرجم ءَ در ھگ ءَ مئے ارش برجاہ بنت۔
