کیچ: گوستگیں روچ ءَ ڈنڈار ءَ زورگریں پاکستانی لشکر ءِ تیرگواری ءَ پنچ سالی جنک ستارا ءِ شھیدی ءِ بگیری ءَ زھرشانی روانکے کشگ بوتگ۔ روانک ءَ جنینءُ زھگاں ھوار مردماں بازیں کچے ءَ بھر زرتگ۔
زھرشانی کنوکیں مردماں زوگریں پاکستانی لشکر ءِ زوراکیانی بگیری ءَ اوگام جتگ ءُ پہ شھید بوتگیں زھگ ستارا ءِ کھول ءَ انساپ ءِ لوٹ کرتگ۔
زھرشانی کنوکیں مردماں تران کرتگ ءُ گوشتگ کہ کم چہ کم پاکستانی لشکر ءَ انچو چارگ لوٹ ایت کہ سلاہ بندیں مردم چہ کج ءَ مارانشانگ کنگ ءَ اَنت۔ وتسر ءَ آبادیانی سر ءَ تیرگواری ءُ ماٹر آس دیگ ردی یے نہ اِنت اے تچک ءَ لس بلوچانی نشانگ کنگ زانگ بیت۔
آیاں گوشتگ کہ ما گوں سرکار ءَ لوٹ کن ایں کہ ستار ءِ کوش ءَ ھواریں کارمند گرگ ءُ گوں شھید بوتگیں زھگ ءِ کھول ءَ انساپ کنگ بہ بیت۔ پاکستانی لشکر ءِ بنجل چہ آبادیاں کشگ بہ بیت۔
یات بہ بہ اِت کہ دہ اگست ءِ شپ ءَ زورگریں پاکستانی لشکر ءَ شبیر گس گوں گولا نشانگ کرتگ ءُ شبیر پنچ سالی جنک ستارا شھید بوتگ۔
