بلوچ آجوئی لشکر ( بی ایل اے ) ءِ جارکش جیھند ءَ ما ں سانکدر ءَ وتی شنگ کرتگیں درشانے ءَ گوشتگ کہ بی ایل اے ءِسرمچاراں مرچی شال ءَ زورگریں پاکستان ءِ وتگڑیں آجوئی ءِباروا برجم داشتگیں یک دیوانے نشانگ کرتگ۔
آئی ءَ گوشتگ کہ شال ءِ بروری دگ ءِ سر ءَ ایس بی ءِ زانشتجاہ ءِ تہ ءَ پاکستانی لشکر ءِ سروکی ءَ برجم دارگ بیوکیں دیوانے سھب ءِ دہ ءِ نزیک ءَ گوں دو دستی بمب ارش ءَ نشانگ کرتگ۔
جارکش ءَ گوشتگ کہ زورگریں پاکستانی لشکر وانگجاھاں پہ وتی کالونیل مول ءَ کارمرز کنگ ءَ اِنت۔ ما گوں تچکی ءَ گوش ایں کہ زورگریں پاکستانی لشکر ءِ سروکی ءَ برجم دارگ بیوکیں وتگڑیں آجوئی شاتکامی دیوان مئے نشانگ ءَ اَنت۔زورگریں لشکر کروڑانی کچ ءَ ھرچ کنت ءُ اے وڑیں دیوان برجم دار ایت جنگ آماچیں بلوچستان ءِ باروا جھان ءِ چماں بند کنگ لوٹ ایت۔
بی ایل اے ءِ جارکش جیھند ءَ ارش ءِ زمہ واری من اتگ ءُ گوشتگ کہ زورگریں لشکر ءُ آئی شریدارانی سر ءَ مئے سر ءَ ارش برجاہ بنت۔
