روکپتی بلوچستان: کھیر ءَ مزنیں میست ءَ مولانا نواب ھوت ءَ گوں مردماں تران کرتگ ءُ گوشتگ کہ پاکستان سرکار گْوادر ءَ برجاھیں زھرشانی نندانک ءَ گوں نشتگیں مردماں اساپ بہ کنت ءُ پہ گپ ءُ تران ءَ آیانی لوٹاں گوش بدار ایت۔
آئی ءَ گوشتگ چہ رودرآتکی بلوچستان ءَ ھزارانی کچ ءَ مردم پاکستان سرکار ءَ گار ءُ بیگواہ کرتگ انت ءُ آیانی باروا کھول زانگ ءَ نہ اَنت کہ مئے چون ءُ کج ءَ اَنت۔
مولانا نواب ھوت ءَ گوشتگ کہ اگاں آوار جنگ بوتگیں مردم میاربار اَنت گڑا آ آمیدگس ءَ پیش کنگ ءُ آیانی کھول سرپد کنگ بہ بنت بلے اے پیم ءَ گار ءُ بیگواہ کنگ ءُ آیانی مردماں سرپد نہ کنگ کانود ءُ شریت ءِ لگتمالی اِنت۔
آئی ءَ گوادر ءِ راجی مُچی ءِ باروا دیمتر ءَ گوشتگ انوں ھزارانی کچ ءَ مردم گْوادر ءَ نشتگ ءُ ھک ءُ انساپ ءِ لوٹ ءَ کنگ ءَ اِنت، پاکستان سرکار آیانی لوٹانی گوش دارگ ءَ ابید گوں آیاں زواکی کنگ ءَ اِنت۔
یات بہ بہ اِت کہ چہ ایشی پیش روکپتی بلوچستان ءِ دزاپ ءِ ملاھاں گْوادر ءَ راجی مچی ءِ سر ءَ پاکستانی لشکر ءِ زوراکی ایر جتگ اَنت۔
