بلوچ آجوئی لشکر ( بی ایل اے ) ءِجارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مشکے ءُ زامران ءَ دو جتائیں ارشاں زوگریں پاکستانی لشکر ءُ بند ساچی شرکت ءِ گاڑی نشانگ کرتگ اَنت۔
آئی ءَ گوشتگ کہ سرمچاراں 27 جولائی ءَ شپ ءِ نو ءِ نزیک ءَ مشکے ءِ ھند نوکجو ءَ پاکستانی لشکر ءِ مزنیں بنجل ءِ پھازداریں پانگس ارش ءَ نشانگ کرتگ اَنت۔ سرمچاراں گرنیڈ لانچر ءِ سر ءَ دژمنیں لشکر ءِ سر ءَ باز گولا اس داتگ ءُ گوں وتکاریں سلاھاں ارش کرتگ۔
آئی ءَ گوشتگ کہ ارش ءِ آسر ءَ یک کارمندے جاھی مرتگ ءُ بنجل ءِ تہ ءَگولا ءِ کپگ ءَ دژمن ءَ گیش جانی ءُ مالی تاوان بوتگ۔
جارکش ءَ گوشتگ کہ بی ایل اے ءِ سرمچاراں زی زامران ءِ ھند نھنگ جونکی تنک ءَ لشکری بند ساچی شرکت ءِ ٹیکدار چہ سرمچاراں تچگ ءِ جھد ءَ وتی گاڑی یل داتگ اَنت آیاں ءَ سرمچاراں مانداشتگ۔ ھمے ٹیکدار پہ زورگریں لشکر ءَ بند ساچی ءَ ھوار سیمسر ءِ پہ ٹٹ کنگ ءِ ٹیکہ ءَ ھوار اِنت۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ زورگریں پاکستانی لشکر ءِ چہ بلوچستان ءَ سرجم ءَ در آھگ ءَ مئے کاروائی برجاہ بنت۔
