بلوچستان استمان پانک ( بی آر جی ) ءِ جارکش دوستین ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں مرچی سبی ءَ زورگریں پاکستان ءِ پولیس گوں یک بمب ارشے ءَ نشانگ کرتگ ۔
جارکش ءَ گوشتگ کہ بی آر جی ءِ سرمچاراں سبی ءِ شھر پی ایچ ای ءِ کارگس ءِ نزیک ءَ زوگریں پاکستانی پولیس ءِ سر ءَ دستی بمب ارشے کرتگ۔ تراک ءِ آسر ءَ زورگریں پاکستانی لشکر ءَ جانی ءُ مالی تاوان بوتگ۔
بی آر جی ءِ جارکش دوستین ءَ گڈ ی ءَ ارش ءِ زمہ واری من اتگ ءُ گوشتگ کہ مئے ارش داں بلوچستان ءِ آجوئی ءَ برجاہ بنت۔
