بلوچ راج دوستیں سروک ءُ بلوچ راجی زرمبشت ( بی این ایم ) ءِ پیشیگیں سرکماش ھلیل بلوچ ءَ ماں چاگردی رسانکدر ایکس ءَ نبشتگ کہ پاکستانی لشکر ءَ نہ ترسیں اھوالکار اسمان ھان ءِ گس انگر کرتگ۔ اسمان ھان مدام وتی جان ءِ پرواہ نہ کرتگ ءُ بلوچ زھرشانی کنوکانی توار داں جھان ءَ سرکرتگ۔ آئی نہ ترسی ءُ راستی ءِ بنیاد ءَ اھوالکاری ءَ مدام راستی دیم ءَ آورتگ۔
آئی ءَ گوشتگ کہ اسمان ھان ءِ توکل ءُ ھمت چہ آئی بے ترسیں گزارشاں پدر اِنت۔ آئی ھمک جنگ ءَ نزورینانی چیھانٹ، پریات ءُ زوراکی ءِ ھمک کسہ ءِ دیم ءَ آرگ ءِ جھد کرتگ۔ آئی ھمے بے ترسی ءُ ایمانداری پاکستان ریاست ءِ چما; کنٹگ ءِ وڑ ءَ لگگ ءَ اِنت۔ آئی گون ءَ بیوکیں رویشت سکا ایرجنگی اِنت۔ پمیشکا کہ اے نہ تیوک ءَ یک اھوالکارے ءِ سر ءَ اِنت بلکیں آجوئی ءِ درشان ءِ سر ءَ ھم اُرش زانگ بیت۔
ھلیل بلوچ ءَ گوشتگ کہ ما اسمان ھان ءِ گون ءَ اوشتاتگ ایں ءُ پہ آئی سلامتی ءَ دوا لوٹ ایں، اھوالکاری ءُ راستی ءِ کارکنانی دارگ ءِ اے جھد سوبمند نہ بیت۔ من پاکستانی لشکر ءِ اے کارپداں گوں ترندیں دانکاں ایر جن آں ءُ ھمے لوٹ ءَ کن آں کہ اسمان ھان ءُ آئی کھول زوت چہ پاکستان ءِ زوراکیاں پھریزگ بہ بنت۔
