تربت: بلوچ یکجھتی کمیٹیءِ نیمگ ءَ گوادر ءَ برجاھیں راجی مچی ءُ کاروانانی سر ءَ ارش ءُ مردمانی دزگیری ءُ زوریں بیگواھی ءِ بگیری ءَ تربت شھر ءَ تھتگ بند ھرتال ءُ شھید پدا اھمد چاراہ ءَ زھرشانی نندانک برجاہ اِنت۔
تربت شھر ءَ دکان ءُ باپاری جاھانی بند بوگ، موبائل نیٹورک ءُ دگانی بندی ءِ سوب ءَ مردم سکا جنجلانی دیمپان اَنت۔ تربت شھرءَ تھتگ بند ھرتال ءَ چار روچ ءُ شھید پدا اھمد چاراہ ءَ زھرشانی نندانک ءَ دو روچ اِنت کہ زھرشانی نندانک برجاہ اِنت۔
