بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم بلوچ ءَ ماں چاگردی رسانکدر ایکس ءَ نبشتگ کہ بلوچستان ءَ پاکستانی لشکر ءِ زوراکیانی بگیری ءَ میان استمان ءَ زھرشانی کنگ بیت۔
آئی ءَ گوشتگ کہ بلوچ راجی زرمبشت ( بی این ایم ) ءَگوادر ءُ بلوچستان ءَ بلوچ زھرشانی کنوکانی بگیری ءَ پاکستانی لشکر ءِ زوراکی ایر جتگ اَنت ءُ جتائیں ڈیھاں زھرشانی کنگ ءِ جار جتگ۔ ھمے کاروائیانی آسر ءَ مردمی ھکانی کارکنان ھوار سدانی کچ ءَ مردم دزگیر کرتگ ءُ بیگواہ کرتگ اَنت۔ سمی دین، ڈاکٹر سبیہ ءُ سبگت اللہ شاہ جی ھوار اَنت۔
ڈاکٹر نسیم ءَ گوشتگ کہ بی این ایم گوں میان استمان ءَ لوٹ کنت کہ آ دزمانجنی بہ کن اَنت ءُ پاکستان ءِ نیمگ ءَ برجاھیں بلوچ چکچینی ءَ گر ءُدار بہ کن اَنت۔
بی این ایم ءِ سرکماش ءَ گوشتگ کہ ما میان استمانی توانمنداں زور دے ایں کہ آ مردمی ھکانی ناھکیں بگیریاں بہ من اَنت ءُ پہ بلوچانی پھازداری ءُ آجوئی ءِ دلجمی دیگ ءَ زوت گامگیج بزور اَنت۔ توار چست کنگ ءَ مئے کمک ءَ بہ کن اِت، پہ آجوئی،ھستمان ءُ ایمنی ءِ جنگ ءَ بلوچانی گون ءَ بہ اوشت اِت۔
