بلوچ آجوئی لشکر ( بی ایلاے ) ءِ جارکش آزاد ءَ ماں رسانکدر ءَ وت شنگ کرتگیں درشانے ءَ گوشتگ کہ 17ءُ 29 جولائی ءَ دو جتائیں ارشاں مئے سرمچاراں ھرنائی ءَ پاکستانی لشکر ءُ چیریں ادارھانی یک مزنیں چاریگ مھمد رسول آئی دست ء راست مزار ھان ءَ تیرگواری کرتگ ءُ کشتگ۔
آئی ءَ گوشتگ کہ زی 29 جولائی ءَ سرمچاراں ڈی سی گارڈن ءِنزیک ءَ تیرگواری کرتگ ءُپاکستانی لشکر ءُ چیریں ادارھانی مزنیں چاریگ مھمد رسول ء مھمد امر کشتگ۔ اے کمک کار ھرنائی ءَ ھواریں ھنداں چاریگی ءَ ھوار ھر وڑیں راجی زرمبشت ءُ دژمن ءِ پرکاریانی بھر بوتگ۔ لشکرکشی، گساں بیڑ برگ ءَ ھوارمردماں پاکستانی لشکر ءُ چیریں ادارھانی دست ءَ آوار جناھینگ ءُ بازیں ورنایانی شھیدی ءَ تچکی ءَ ھوار بوتگ۔ مھمد رسول ءَ دیر اِنت کہ گل ءِ نشانگ ءَ بوتگ زی سرمچاراں آئی گڈی آسر ءَ سر کرتگ۔
جارکش ءَ گوشتگ کہ چہ ایشی ابید 17 جولائی ءَ سرمچاراں ھرنائی ءَ تیرگواری کرتگ ءُ مھمد رسول ءِ دست ء راست مزار ھان ء وزیر ھان ءَ کشتگ۔ زورگریں ادارھانی پرمان ءِ رد ءَ مزار ھان مھمد رسول ھواری ءَ گوشتگیں درسیں راج دژمنیں پرکاریاں ھوار بوتگ اَنت۔
بی ایل اے ءِ جارکش آزاد ءَ وتی درشان ءِ گڈی ءَ گوشتگ کہ ھرنائی ءَپاکستانی لشکر ءُ چیریں ادارھانی باز بے لجیں کمکار مئے نشانگ ءَ اَنت۔
