آئرلینڈ ءِ مردمی ھکانی گل پرنٹ لائن ڈیپنڈرز ءَ گوادر ءَ بلوچ راجی مچی ءِ سر ءَ پاکستانی لشکر ءِ نیمگ ءَ ایمنیں زھرشانی کنوکانی سر ءَ لٹ شاپ ءُ ارش ءَ بژن درشان کرتگ۔
گل ءِ گوشگ اِنت کہ پاکستانی لشکر ءِ ادارھاں بلوچ ءُ مردمی ھکانی کارکن سمی دین ءَ ھوار باز بلوچ کارکن دزگیر کنگ ءَ پد چیریں جاھے ءَ بندیگ کرتگ اَنت۔ پہ آیانی جاندراھی ءَباروا گل ءَترس اِنت۔
آئی گوادر ءَ ھوار سرجمیں بلوچستان ءَ آوار جتگیں درسیں بلوچ کارکنانی زوتیں یل کنگ ءُ پہ آیانی پھازداری ءَ دلجمی دیگ ءِ لوٹ کرتگءُ درزنانی کچ ءَ ٹپی بوتگیں مردمانی کمک ءُ پہ درمان کنگ ءَ لوٹ کرتگ۔
یات بہ بہ اِت کہ پرنٹ لائن ڈیپنڈرز مردمی ھکانی گلے کہ آئی ءَ ھمے سال ءِمئی ءَ سمی دین ءَ پہ ایشیا ءُ بھرالکاھل دمگ ءَ پرنٹ لائن ڈیپنڈرز 2024 ءِ داد داتگ۔
